«Туризм һәм кунакчыллык» конкурсы игълан ителде!
«Туризм һәм кунакчыллык» илкүләм проектын тормышка ашыру кысаларында, Татарстан Республикасының Туризм буенча дәүләт комитетында (алга таба – Дәүләт комитеты) дәүләт (муниципаль) учреждениеләре булмаган юридик затларга һәм шәхси эшкуарларга Татарстан Республикасы бюджетыннан субсидияләр бирү буенча конкурс сайлап алуы башланды. Субсидияләр Россия Федерациясенең «Туризмны үстерү» дәүләт программасының Татарстан Республикасы территориясендә «Россия Федерациясе территориясе буенча туристик сәяхәтләр саны» күрсәткеченә ирешү белән бәйле чыгымнарның бер өлешен финанс белән тәэмин итү максатыннан бирелә.
Конкурска гаризаларны кабул итү агымдагы елның 22 маена, сәгать 17:00 кадәр Финанс дәүләт ярдәме чараларын күрсәтү порталында (https://promote.budget.gov.ru/) «Татарстан Республикасында федераль әһәмияттәге М-12 «Восток» автомобиль юлын үз эченә алган автомобиль туристик маршрутлары янында капиталь булмаган туристлык инфраструктурасы объектларын булдыру проектларын гамәлгә ашыру» юнәлеше буенча башкарыла.
Субсидия бирү тәртибе һәм конкурста катнашу шартлары Татарстан Республикасы Министрлар Кабинетының 2024 елның 28 июнендәге 476 номерлы карары белән билгеләнгән.
Субсидиянең максималь суммасы — өч миллион сум, гариза бирүче тарафыннан софинанслау — сорала торган субсидия суммасының кимендә 50% тәшкил итә.
Сайлап алу юнәлешләре:
1) навигация системалары элементларын ясау һәм урнаштыру, шулай ук автомобиль туристик маршрутын брендлауны тәэмин итү, бердәм дизайн-код булдыру (монтажлаудан тыш);
2) яңа, кулланылышта булмаган капиталь булмаган туристлык-мәгълүмати үзәкләр (визит-үзәкләр), шулай ук төбәк продукциясен сату нокталары булдыру һәм урнаштыру (продукция, шул исәптән сувенирлар һәм халык сәнгать кәсепләре әйберләрен сатып алу һәм җитештерүдән тыш); алар юл сервисының күпфункцияле зоналары һәм ял итү мәйданчыклары составында урнаша ала (монтажлаудан тыш);
3) юл сервисының күпфункцияле зоналары һәм ял итү мәйданчыклары составында урнаша алырлык яңа, кулланылышта булмаган капиталь булмаган җәмәгать туклану пунктларын (фудтраклардан һәм махсуслаштырылган прицеплардан тыш) булдыру яки сатып алу, урнаштыру (монтажлаудан тыш);
4) кемпинг-урнаштыру объектларын, кемптукталышларны, транспорт чаралары өчен навес конструкцияләрен булдыру һәм урнаштыру, шулай ук яңа, кулланылышта булмаган кемпинг чатырларын һәм яшәүне (кунуны) оештыру өчен кулланыла торган башка төр җиһазларны сатып алу; бу яшәү һәм рекреация зоналарын җиһазлауны, санитар төеннәрне (гомуми кулланылыш урыннарын) җиһазлауны, мөмкинлекләре чикләнгән затлар өчен керү мөмкинлеген, визуаль мәгълүмат һәм навигация системасын булдыруны үз эченә ала (монтажлаудан тыш);
5) яңа, кулланылышта булмаган туристлык җиһазларын сатып алу (транспорт чаралары һәм аларның элементлары булмаганнары), шул исәптән туристлык инфраструктурасы һәм күрсәтү объектларын, туристлык-мәгълүмати үзәкләрне, прокат пунктларын, балалар һәм спорт комплексларын, ана һәм бала бүлмәләрен һәм телемедицина пунктларын эксплуатацияләү һәм җиһазлау максатларында кулланыла торган (монтажлаудан тыш);
6) юл сервисының күпфункцияле зоналары һәм ял итү мәйданчыклары составында яңа, кулланылышта булмаган капиталь булмаган спорт мәйданчыкларын, санитар модульләрне, модульле кер юу һәм юыну бүлмәләрен, модульле ана һәм бала бүлмәләрен һәм телемедицина пунктларын, шулай ук аларга җиһазларны сатып алу һәм урнаштыру (монтажлаудан тыш);
7) мөмкинлекләре чикләнгән затлар өчен уңайлы туристлык мохите булдыруга һәм үстерүгә, инклюзив туризмны стимуллаштыруга юнәлтелгән проектларны гамәлгә ашыру, шул исәптән пандуслар, күтәргечләр җиһазлау, адаптацияләү эшләре һәм юл сервисының күпфункцияле зоналары һәм ял итү мәйданчыклары составында күрү һәм ишетү буенча мөмкинлекләре чикләнгән затлар өчен киртәсез мохит булдыру буенча башка чаралар.
Игътибар итегез: проектларны гамәлгә ашыру вакыты 2026 елның 20 декабренә кадәр итеп билгеләнгән.
Конкурс һәм катнашучыларга таләпләр турында тулырак мәгълүмат Дәүләт комитетының рәсми сайтында (https://tourism.tatarstan.ru/subsidiya-na-razvitie-avtoturizma-v-2026-godu.htm) урнаштырылган. Шулай ук «Макс» мессенджерында түбәндәге сылтама буенча төркем форматында кайнар линия булдырылды: https://max.ru/join/6iOxTijkO8GDXaVYnZLXDwXi0InOV6zxaJ538tGFJd0.
Конкурста катнашуның мәҗбүри шарты — объектларның Дәүләт комитеты тарафыннан расланган автомобиль туристик маршрутларына якын булуы (федераль әһәмияттәге автомобиль юллары участокларыннан 5 км дан артмаган һәм (яки) төбәк яки муниципальара әһәмияттәге автомобиль юллары участокларыннан 3 км дан артмаган радиуста).
Шулай ук 2026 елның 29 апрелендә сәгать 14:00 дә Дәүләт комитетының «ВКонтакте»дагы рәсми битендә конкурста катнашу тәртибен һәм шартларын аңлату буенча туры эфир узды: https://vk.com/tourismrt.