Район “Туган як” музеенда 14 яше тулган бер төркем яшь апаслыларга паспортлар тапшырылды. “Мәрхәмәтле Татарстан” акциясенең чираттагы бер бу мизгеле тантаналы шартларда үтте. Бу тантана-бәйрәмгә кадәр яшүсмерләр туганнары, дуслары белән бергә музейдагы яңа күргәзмәләр белән таныштылар, район үзәгенең матур, истәлекле урыннарында бергәләп фотога төштеләр.