Апас балалар сәнгатә мәктәбе республика бәйгесеннән җиңү белән кайтты

Башкалада “Калфаклы сандугач“ республика бәйгесе узды. Быел бу бәйгедә катнашырга теләк белдерүчеләр аеруча да күп булды. Төрле шәһәр һәм Республикалардан җырчылар һәм ансамбльләр җыелды. Апас балалар сәнгать мәктәбе бәйгедә актив катнашты. Вокал соло номинациясендә Булат Фәтхелисламов (җитәкчесе Р. Садыйкова) беренче урынны яулады. “Радость“ вокаль ансамбле (җитәкчесе Р. Макаева) өченче урынга лаек булды. Камил Гайнетдинов (җитәкчесе Ф. Хисамов) уен коралларында уйнап, шулай ук Дипломга лаек булды.