Татарстанда антициклон нәтиҗәсендә һава торышы коры һәм салкын булачак

Көндез һава температурасы ике градустан артык җылынмаячак.

Татарстанда киләсе өч тәүлектә һава торышы салкын Скандинавия антициклонына бәйле булачак. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Якшәмбе, 28 октябрьдә, төбәк аша уза торган атмосфера фронты көчле җил, юеш кар, яңгыр алып килгән булса, хәзер метеорологик вазгыять бераз үзгәрә.

1 ноябрьдә урыны белән яңгыр һәм кар көтелә, бозлавык булуы мөмкин.

Аннан соңгы көннәрдә төнлә 4–9 градус салкын булачак. Көндез –3тән +2 градуска кадәр җылытачак, дип хәбәр итә республика синоптиклары.

Бу хакта тулырак: https://tatar-inform.tatar/news/2018/10/29/174274/