Апаста иң беренчеләрдән булып быелгы язгы өмәгә район хакимияте, Апас бистәсе башкарма комитеты коллективлары һәм халыкка коммуналь хезмәт күрсәтү коллективы чыкты.
Алар Апасның атаклы “Самавар“ чишмәсе тирә-юнен кар-боздан һәм кышын тупланган чүп-чардан чистартып, төзекләндерү эшләрен башлап җибәрделәр. Район үзәгенең башка оешма-предприятиеләрендә дә бүген беренче чисталык өмәләре үтте. Апаста гомумхалык язгы зур өмә исә 19-20 апрельдә үтәчәк дип билгеләнде.
Ришат Җамалиев.