Апаста җирле үзидарә хезмәткәрләрен хөрмәтләделәр

2019 елның 24 апреле, чәршәмбе

Җирле үзидарәләр көне уңаеннан Апас Туган якны өйрәнү музеенда бәйрәм чарасы үтте.

Чарада район башлыгы урынбасары Ленар Хантимиров катнашып, авыл җирлекләре башлыкларына ихлас тәбрикләү һәм рәхмәт сүзләрен җиткерде. 
- Сез халык белән турыдан-туры элемтәдә торасыз. Хезмәтегез зур җаваплылык, сабырлык, таләпчәнлек һәм шул ук вакытта гадилек тә таләп итә. Киләчәктә эшегездә зур уңышлар, сәламәтлек һәм күңел тынычлыгы телим - диде ул. 
Музей җитәкчесе Рәмис Ногманов бирегә килүчеләрне музейдагы яңалыклар, кызыклы күргәзмәләр белән таныштырды. Район мәдәният хезмәткәрләре алар хөрмәтенә үзләренең матур җырларын бүләк иттеләр.