Татарстан Росреестры республика халкын үз контактларын вакытында яңартырга чакыра

Татарстан Республикасы буенча Росреестр идарәсе республикада яшәүчеләрне күчемсез милек Бердәм дәүләт реестрында (ЕГРН) булган контакт мәгълүматларын вакытында яңартырга чакыра.

Татарстан Республикасы буенча Росреестр идарәсе җитәкчесе урынбасары Ада Зәйдуллина аңлатканча, реестрда актуаль элемтә мәгълүматлары булу кирәк булган очракта милекче белән үз вакытында элемтәгә керергә һәм аның хокукына ия булган күчемсез милеккә карата өченче затларның хокукка каршы мөмкин булган гамәлләрен булдырмый калырга ярдәм итәчәк.

Күчемсез милек объектлары һәм аның милекчеләре турында мәгълүмат, шул исәптән контакт белешмәләре, реестрга тапшырылган гаризалар нигезендә кертелә. Аларның кайберләре күп еллар элек бирелгән иде. Озак вакытлар күчемсез милек белән бернинди исәп-теркәү эшләре дә башкарылмаса, элемтә өчен мәгълүматлар искерә: телефон номерлары, электрон почта адресы һәм теркәлү адреслары үзгәрә. Бу мәгълүматлар үзгәргән очракта, КФҮнең теләсә кайсы офисына мөрәҗәгать итәргә киңәш итәбез. Бердәм дәүләт миллек реестрына үзгәрешләр өч эш көне дәвамында кертелә.

Игътибарга
Әгәр гражданнарның нинди дә булса сораулары булса, алар аларны 8-800-100-34-34 Бердәм күп каналлы телефоны буенча бирә алалар. Бөтен Россия буенча шалтырату бушлай. Мөрәҗәгать итүчеләргә уңайлы булсын өчен Росреестрның үзәк үзәге тәүлек буе эшли.
Файдалы практик мәгълүмат белән Росреестр порталында да (rosreestr.ru)танышырга мөмкин. Мәсәлән, хокукларны рәсмиләштерү өчен нинди документлар әзерләргә кирәк, "тормыш ситуацияләре"сервисын ачыкларга ярдәм итәчәк. Әлеге "тормыш ситуацияләре" сервисы ярдәмендә конкрет хәлдәге гамәлләр турында тулы мәгълүмат алырга, нинди документлар кирәклеген ачыкларга, булган пакетның тулылыгын билгеләргә мөмкин.

Моннан тыш, күчемсез милек өлкәсендә иң актуаль яңалыклар һәм аңлатмаларны ведомствоның рәсми сайтларында, социаль челтәрләрдә, Инстаграмнарда табарга мөмкин. Моннан тыш, күчемсез милекне рәсмиләштерү мәсьәләләре буенча гражданнарга оператив мәгълүмат бирү һәм консультация бирү өчен, Татарстан Республикасы буенча Росреестр идарәсе үз каналын Youtube ка эшләтеп җибәрде. Әлеге каналда иң актуаль темаларга интервьюлар урнаштырыла, күчемсез милек өлкәсендәге закон үзгәрешләре яктыртыла, гражданнарга консультация үткәрелә һ. б.

Татарстан Республикасы буенча Росреестр Идарәсенең матбугат хезмәте