Рөстәм Миңнеханов «Ува-молоко» компаниясе (Удмуртия) җитәкчелеге белән очрашты
Бүген Татарстан Республикасы Президенты Рөстәм Миңнеханов «Ува-молоко» компаниясе (Удмуртия) җитәкчелеге белән очрашты.
Очрашу Татарстан Республикасы Хөкүмәте йортында узды.
Очрашуда «Ува-молоко» ҖЧҖен гамәлгә куючы һәм генераль директоры вазыйфаларын башкаручы, «Касымовский» сөт комбинаты» ҖЧҖ директоры Александр Емшанов, «Ува-молоко» ҖЧҖ башкарма директоры Татьяна Зубарева, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, Апас районы башлыгы Равил Хисаметдинов катнашты .
Очрашуда сөт җитештерү тармагы, чимал җыю һәм эшкәртү мәсьәләләре турында фикер алыштылар.
«Ува-молоко» Удмуртиядә урнашкан. Компания – Удмурт Республикасының сөт базарында иң эре уенчыларының берсе.
Александр Емшанов «Ува-молоко» компаниясе, 2019 елдагы күләмнәр һәм җитештерелүче продукция турында сөйләде.
Рөстәм Миңнеханов очрашу барышында билгеләп үткәнчә, бүген Татарстанда «КОМОС Групп» холдингы (Казан сөт комбинатын сатып алган) эшли.