Татарстан Республикасы Авыл хуҗалыгы һәм азык-төлек министрлыгы башлыгы Татарстан кулланучылар оешмалары берлеге советы рәисе булды
Татарстан Республикасы Премьер-министры урынбасары - Татарстан авыл хуҗалыгы һәм азык-төлек министры Марат Җәббаров Татарстан кулланучылар оешмалары берлеге советы рәисе булды. Мондый карар бүген Татарстан Республикасы Кулланучылар кооперациясе оешмалары берлегенең хисап буенча еллык җыелышында кабул ителде.
Марат Әхмәтов Татарстан Республикасы Дәүләт Советы депутаты, Татарстан Республикасы Дәүләт Советы Рәисе урынбасары итеп сайлануга бәйле рәвештә Татарстан Кулланучылар җәмгыятьләре берлеге советы рәисе вазыйфаларын үтәүдән азат ителде.
«Татарстан Президенты Рөстәм Миңнеханов тарафыннан Татпотребсоюз составына үзгәрешләр кертү тәкъдим ителде», - диде Марат Әхмәтов.
Җәббаров җыелганнарга ышаныч белдерүләре өчен рәхмәтен белдерде һәм уртак нәтиҗәле эш итүгә өметен белдерде. «Әлеге юнәлеш бик зур һәм катлаулы. Ләкин аны көчәйтү һәм яхшырту өчен барысы да бар. Бергә эшләячәкбез. Барысы да безнең кулда", - дип өстәде ул.
Татарстан Республикасы Авыл хуҗалыгы һәм азык-төлек министрлыгы матбугат хезмәте