Каратун мәктәбе укучылары Халыкара Җәлил укуларында җиңеп кайтты

2020 елның 21 феврале, җомга

“Бөтендөнья татар конгрессы, Татарстан Республикасы Мәдәният, Мәгариф һәм фән министрлыклары белән берлектә оештырылган II Халыкара Җәлил укуларында Каратун урта мәктәбенең 11нче сыйныф укучылары Ранис Мусин, Зилә Төхфәтуллина, Лилия Гайфуллина катнашты. Алар район, зона турларында җиңү яулап, республикада үткән финал турында чыгыш ясадылар һәм 3 урынга лаек булдылар“, – ди җитәкчеләре, Каратун мәктәбе укытучысы Сәвия Тимершина.
Бәйге 6 меңнән артык катнашучыны үз эченә алган. Әлеге дәрәҗәле бәйгедәге уңыш яулаган укучыларны котлыйбыз!