Апас районында коронавирус куркынычы юк: ситуация тотрыклы һәм контрольдә.
Районның хөрмәтле апаслылары,гражданнарның иминлеген саклап калу һәм сәламәтлеген саклау максатыннан барлык кирәкле чаралар күрелде. Район җитәкчелеге көн саен хәлне күзәтеп тора. Безнең районда вирус йоктыру очраклары юк, вируска шиге булган кешеләр юк.Ситуация тотрыклы һәм гражданнар тормышының барлык өлкәләрендә контрольдә.
Әмма, коронавирус таралуга бәйле вәзгыятьне исәпкә алып, Апас муниципаль районында эпидемиягә каршы һәм профилактик чаралар комплексы оештырылды һәм үткәрелә. Режим гамәлдә булган вакытта студентлар катнашында мәгариф оешмалары арасында спорт, мәдәни һәм башка чаралар; балалар арасында мәктәпара, муниципальара спорт, мәдәни һәм башка чаралар; спорт, тамаша кылу, гавами һәм башка массакүләм чаралар үткәрүне тыю билгеләнгән. Шәһәр предприятиеләрендә, оешмаларында һәм учреждениеләрендә өстәмә кисәтү һәм дезинфекция чаралары кабул ителде. эпидемия ягыннан имин булмаган территорияләрдән яңа короналаштыру инфекциясе буенча килгән яки чит илләрдә ял иткән барлык кешеләр республикага килү белән кайнар линиягә шалтыратырга һәм 14 көнгә ирекле карантин узарга тиеш.
Бу гражданнарга хастаханә кәгазьләре биреләчәк. Күрсәтелгән чаралар күрелмәгән очракта, әлеге затлар һәм аларның туганнары карантин чараларны бозган өчен җаваплылыкка тартылачак.
Районыбызда балалар бакчалары карантинга ябылу планлаштырылмый. Әмма мәктәп каникуллары вакытында күңел ачу һәм спорт чаралары туктатылды.
Кайбер продуктларга ихтыяҗ арту нигезсез: кибетләрдә азык-төлек продуктлары һәм көнкүреш химиясе җитәрлек. Кибетләр складларында азык-төлек продуктларының һәм азык-төлек булмаган товарларның җитәрлек запасы бар, азык-төлек товарларын китерү кыенлыклары күзәтелми. Бәяләрне ясалма арттыру мәсьәләсе республика җитәкчелеге һәм монополиягә каршы хезмәт контроленә алынды.
Апас кешеләрен провокацияләргә бирелмәскә, социаль челтәрләрдә фейк хәбәрләргә игътибар итмәскә, ә рәсми мәгълүматка гына ышанырга сорыйбыз. Паникага бирелергә һәм продуктлар сатып алырга кирәк түгел.
Исегезгә төшерәбез, Татарстан Республикасында кайнар линия ачылды, анда Covid-19 инфекциясен профилактикалау мәсьәләләре буенча консультация ала алалар: 8-800-222-59-00 (көн саен 7.30-20.00)
Ажлауыгыз өчен апаслыларга рәхмәтебезне белдерәбез һәм сәламәтлегебезгә игътибарлы булырга өндибез!