Районда чәчүгә әзерләнү өчен барлыгы 23 агрегат бар. Шуларның егермесе - ул "ПС-10", икесе - "ПСШ-5" һәм бер "ПС-20". Бу агрегатлар белән сезонда 6 мең тонна орлык эшкәртелә. «Россельхозцентр» филиалы җитәкчесе Илдус Мулюков бу эшләр башлангач барлык агротехник таләпләрне катгый үтәү контрольдә тотылачак, дип кисәтә. Киләсе атнадан махсус комиссия агрегатларның эшкә әзерлеген тикшерә башлаячак.