Марат Җәббаров азык-төлек куркынычсызлыгы буенча оператив штаб утырышында катнашты
Авыл хуҗалыгы министры Дмитрий Патрушев социаль әһәмияткә ия авыл хуҗалыгы продукциясе һәм азык-төлек белән вәзгыятьне мониторинглау буенча оператив штабның чираттагы утырышын үткәрде. Федерация Советы, федераль хакимият органнары, күзәтчелек органнары, төп финанс оешмалары, тармак берлекләре һәм ассоциацияләре, шулай ук Эчке эшләр министрлыгы һәм Росгвардия вәкилләре эчке азык-төлек базарындагы һәм тулаем АПКдагы вәзгыять турында бергәләп фикер алыштылар. Чарада Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров катнашты.
Дмитрий Патрушев билгеләп үткәнчә, эш көне булмаган гамәлдәге режим халыкны азык-төлек продуктлары һәм беренче кирәкле товарлар белән тәэмин итүче оешмаларга, шулай ук өзлексез цикл предприятиеләренә кагылмый. Аларга АПК оешмалары да, шулай ук үз эшчәнлеген дәвам итә алырлык арадаш тармаклар да керә. Моннан тыш, РФ субъектлары үз карары белән социаль әһәмияткә ия товарлар исемлеген киңәйтергә, шулай ук әлеге чорда эшли ала торган оешмаларны билгеләргә мөмкин.
Министр сүзләренә караганда, халыкны азык-төлек белән тәэмин итү беренчел бурыч булып тора, шуңа күрә тармак өзлексез эшләргә, ә чәчү кампаниясе штат режимында үткәрелергә тиеш. Шул ук вакытта, Дмитрий Патрушев хәбәр иткәнчә, аерым төбәкләрдән АПКның тотрыклы эшләве өчен кирәкле йөкле транспорт белән хәрәкәт иткәндә кыенлыклар турында сигналлар килә, шул исәптән ашламалар, орлыклар, запас частьләр һәм әзер продукция белән дә.
Логистик процессларның кирәгеннән артык бюрократизациясенә бәйле хәвеф-хәтәрләрне исәпкә алып, министр АПК органнары җитәкчеләрен ташуларга бәйле вәзгыятьне шәхси контрольгә алырга һәм кирәк булганда Авыл хуҗалыгы һәм азык-төлек министрлыгына, сәнәгать һәм күзәтчелек органнарына, ә Эчке эшләр министрлыгы һәм Росгвардия вәкилләренә авыл хуҗалыгы тармагына өзлексез эш режимын тәэмин итәргә ярдәм итәргә өндәде.
Дмитрий Патрушев шулай ук төбәк хакимиятләре тарафыннан авыл хуҗалыгы продукциясен сатуны оештыру өлешендә, шул исәптән сәүдә челтәрләре аша, аграрийларга ярдәм итәргә кирәклеген дә искәртте.
Утырыш азагында министр АПК предприятиеләре хезмәткәрләренә хезмәт хакын вакытында түләүне даими тикшереп тору кирәклеген искәртте һәм өстәмә кадрларга - шул исәптән сезонлы кыр эшләрен уздыру өчен дә, ихтыяҗны бәяләргә тәкъдим итте.
Тэглар: Татарстан Республикасы Авыл хуҗалыгы һәм азык-төлек министрлыгы Марат Җәббаров