Беренче ана сертификаты проактивта рәсмиләштерелгән!
Россия Пенсия фондының Татарстан Республикасы буенча бүлеге тарафыннан проактив режимда беренче ана сертификаты рәсмиләштерелде.
Лениногорск шәһәреннән кече Багауовның ата-аналары беренче сертификатка ия булды. Баш геройга әле бер ай да юк.
Исегезгә төшерәбез, гаиләләр ана капиталын тизрәк алу гына түгел, аны рәсмиләштерүгә дә көч сарыф итмәсеннәр өчен, бүгенге көннән башлап Пенсия фонды МСК сертификатларын проактив режимда бирергә кереште.
"Бала тугач ана капиталы автомат рәвештә рәсмиләштерелә, һәм гаилә, сертификатның үзенә мөрәҗәгать итмичә, чаралар белән эш итә ала. Моның өчен кирәкле бөтен нәрсәне Пенсия фонды мөстәкыйль рәвештә эшләячәк. Сервис бик уңайлы, һәм бүгенге көндә инде 120 электрон сертификаты бирелгән», - дип билгеләп үтте Татарстан Пенсия фонды идарәчесе Эдуард Вафин.
Ана капиталына хокук бирә торган бала барлыкка килү турындагы белешмәләр ПФРга гражданлык хәле актларын рәсмиләштерү дәүләт реестрыннан килә. Сертификатны рәсмиләштерү турындагы мәгълүматлар Пенсия фондының мәгълүмат системасында теркәлә һәм Пенсия фонды сайтында яки Дәүләт хезмәтләре порталында ананың шәхси кабинетына җибәрелә.
Шунысын билгеләп үтәргә кирәк, актив режимда сертификат алу өчен гражданның бердәм идентификация һәм аутентификация системасында (ЕСИА) расланган исәп язмасы кирәк.
Мөһим! Тәрбиягә бала алган гаиләләр өчен сертификатны рәсмиләштерүнең элеккеге тәртибе саклана, чөнки уллыкка алу турындагы белешмәләрне бары тик тәрбиягә алган ата-аналар үзләре генә бирә ала.