Хөрмәтле әти-әниләр! Җиде яшькә кадәрге балаларга түләүләр билгеләү тәртибенә төп таләпләр расланды
2020 елның 1 июненнән «Татарстан Республикасында халыкны адреслы социаль яклау турында» 2004 елның 8 декабрендәге 63-ТРЗ номерлы Татарстан Республикасы Законына кушымтада билгеләнгән бер кешегә исәпләнгән яшәү минимумы күләменнән артмаган җан башына уртача керем күләме (2019 елның II кварталына - 9 450 сум) булган гаиләләргә һәм мөлкәти тәэмин ителеш дәрәҗәсе «Татарстан Республикасында халыкны адреслы социаль яклау турында» 2004 елның 8 декабрендәге 63-ТРЗ номерлы Татарстан Республикасы Законына кушымтада билгеләнгән гаиләләргә шушы түләүләрне билгеләү өчен мөрәҗәгать иткән елның икенче кварталында билгеләнгән бер кешегә яшәү минимумы күләменнән артмаган гаиләләргә өч яшьтән җиде яшькә кадәрге балага айлык түләү биреләчәк.
Ай саен түләнә торган түләү күләме күрсәтелгән түләүне билгеләү өчен мөрәҗәгать иткән елдан алдагы елның икенче кварталында билгеләнгән балалар өчен яшәү минимумы күләменең 50% ын тәшкил итәчәк. 2020 елда - 4 686,50 сум (2019 елның II кварталына баланың ПМ -9 373 сум).
Айлык түләүне алу хокукы, бала Россия Федерациясе гражданы булса, барлыкка килә.
Айлык түләү Россия Федерациясе гражданы булган һәм Россия Федерациясе территориясендә яшәүче ата-ананың (законлы вәкилләрнең) берсенә, өч яшьтән алып җиде яшькә кадәрге баланы опекага (попечительлеккә) алган һәр туган, уллыкка алынган балага билгеләп куела һәм түләнә.
Гаиләнең җан башына уртача керем гаилә әгъзаларының соңгы 12 календарь айда керемнәре суммасыннан чыгып исәпләнә (шул исәптән 12 календарь айдан кимрәк вакыт эчендә гаилә керемнәре турында белешмәләр бирелгән очракта) гариза биргән ай алдыннан календарь яртыеллыкка кадәрге чорда гаиләнең барлык әгъзаларының хисап чорындагы керемнәренең бердән уникенче суммасын гаилә әгъзалары санына бүлү юлы белән.
Гражданнар түләүләрне алу өчен мөрәҗәгать иткән очракта, 2020 елның 31 декабренә кадәр аларга 2020 елның 1 гыйнварыннан яңадан исәпләячәкләр, ләкин бала 3 яшькә җиткәннән дә иртәрәк түгел.
Гаризалар 2020 елның 1 июненнән кабул ителәчәк.
Гаризаны электрон рәвештә Бердәм дәүләти һәм муниципаль хезмәтләр порталы аша яисә Татарстан Республикасының дәүләти һәм муниципаль хезмәтләр порталы аша тапшырырга мөмкин булачак.