Татарстан буенча "Яшьләр вакыты" автобусы узачак
Татарстанның 45 районы яшьләре ТР Яшьләр эшләре һәм спорт министрлыгының road-туры һәм «Татарстан яшьләре»хәрәкәте кысаларында белем бирү сессияләрендә катнашачак. «Тур быел җәй узачак һәм узган елгы «14» акциясенең "апгрейды" булачак..Анда катнашучылар барлык районнарда булып, җирле яшьләр белән очрашулар уздырдылар. Очрашуда катнашучылар ачык ял урыннары, яшьләр үзәкләре, иҗат студияләре һәм районнарда эшкә урнашу өчен ресурслар булдыру турында фикер алыштылар", - дип хәбәр итә ТР Яшьләр эшләре, спорт һәм туризм министрлыгы. Быелгы автобус туры «яшьләр вакыты – мөмкинлекләр вакыты " концепциясе кысаларында узачак. Һәр шәһәрдә «Татарстан – Мөмкинлекләр территориясе» дигән белем бирү маркеты оештырылачак, анда яшьләр уңышлы проектлар, Татарстанга кайткан кешеләр турында ишетәчәкләр, шулай ук грантлар алуга гаризалар рәсмиләштерү буенча тәкъдимнәр алачаклар. Һәр районга визитның кульминациясе булып «безнең район – киләчәк образы» проект сессияләре торачак, анда яшьләр үз проектларын тәкъдим итә һәм ТР Яшьләр эшләре буенча министрлыгы һәм район хакимиятеннән ярдәм ала алачак. Һәркем үз тәкъдимнәрен сайтта кертә ала. Автобус 4 августта юл алачак, старт алдыннан Казанның популяр яшьләр урыннарында булачак. Шул ук көнне road-тур командасы Кама Тамагы районына юл тотачак. Сәяхәт Татарстан башкаласында 11 сентябрьдә тәмамланачак. Проект турында барлык мәгълүмат аның рәсми сайтында һәм социаль челтәрләрдә урнаштырылачак.
Апас районына автобус 17 августта киләчәк.