Апас районы территориаль сайлау комиссиясе рәисе Гөлнара Садыйкова мәгълүматларына караганда, район буенча сайлауларга килү 97,86% тәшкил иткән (15062 сайлаучы). Татарстан Республикасы Президенты вазыйфасына кандидатлар арасында Рөстәм Миңнеханов алда бара, безнең район буенча ул сайлаучыларның гомуми саныннан 97,67% тавыш җыйды.
Исегезгә төшерәбез, 11-13 сентябрьдә Татарстанда Татарстан Республикасы Президентын, җирле үзидарә органнарына депутатлар сайлау узды. Сайлау процессы Роспотребнадзорның барлык таләпләрен үтәп узды. Районда сайлаулар барышын 250 дән артык күзәтүче күзәтте.