Шахмат зонасын ачу тантанасы
Бүген Кильдураз мәктәбендә милли проектларны тормышка ашыру мәсьәләләре буенча «Бердәм Россия» комиссиясе проектын тормышка ашыру кысаларында шахмат зонасы ачылды. Проект республиканың барлык мәктәпләрендә дә уен шахмат зоналары булдыруны күздә тота.
Апас районында проектка беренчеләрдән булып ТР Дәүләт Советы депутаты Илшат Гафуров һәм ТР Дәүләт Советы депутаты Фәнил Баһаветдинов кушылды. Алар мәктәп шахмат секциясе өчен 8 шахмат җыелмасы сатып алдылар.
Шахмат зонасын ачу тантанасында район башлыгы урынбасары Ленар Хантимиров, Кильдураз мәктәбен тәмамлаучылар, безнең район якташлыгы вәкиле Наил Галиуллин, Гөлсинә Галиуллина, мәгариф бүлеге начальнигы Гөлүсә Галләмова катнаштылар.
"Шахмат уены баланың акыл үсешенә ярдәм итә. Без барыбыз да балаларыбызның гаджетларны һәм компьютер уеннарын төшереп калдыручы файдалы, үстерүче ял белән шөгыльләнүләре белән кызыксынабыз. Мондый зоналарны ачуда безгә "Бердәм Россия" партиясе депутатлары, "Бердәм Россия» фракциясе әгъзалары, мәктәпне тәмамлаучылар ярдәм итә, - дип билгеләп үтте Ленар Тәлгатович үз чыгышында.
Шахмат зонасы ачылу тантанасыннан соң шахмат турниры булды, җиңүчеләр грамоталар, медальләр һәм акчалата призлар белән бүләкләнде.
Исегезгә төшерәбез, «Бердәм Россия» партиясенең төбәк сәяси советы президиумының илкүләм проектларны гамәлгә ашыру мәсьәләләре буенча комиссиясе эше кысаларында Татарстанның авыл мәктәпләрендә шахмат зоналары булдыру буенча юл карталары эшләнде.
«Бердәм Россия» партиясенең Татарстан бүлеге республиканың авыл мәктәпләрендә «үсеш ноктасы»цифрлы һәм гуманитар профильле белем бирү программасына эләкмәгән шахмат зоналары булдырачак.
