Апас районы Бөтенроссия шимбә өмәсенә кушылды

2021 елның 26 апреле, дүшәмбе

24 апрель көнне Апас районында зур өмә булып узды. Беркетелгән территорияләргә барлык оешма хезмәткәрләре, барлык дәрәҗәдәге депутатлар, "Бердәм Россия" партиясе активистлары, волонтерлар һәм «яшьгвардиячеләр»җыелды.

"Район буенча өмәгә 5 меңнән артык кеше чыкты. Уңайлы шәһәр тирәлеген формалаштыру - безнең бурычларыбызның берсе, без ел дәвамында төрле экологик акцияләр үткәрәбез. Яз җитү белән бу эш активлаша, элек төзекләндерелгән территорияләрдә агачлар утыртыла, кыштан соң ишегаллары һәм җәмәгать зоналары чистартыла."- дип билгеләп үтте район башлыгы урынбасары, "Бердәм РОССИЯ" партиясенең депутатлар фракциясе җитәкчесе Ленар Хантимиров.