Олы Бакырчы авылында капиталь ремонттан соң Мәдәният йортын ачу тантанасы булды
10 сентябрь көнне Олы Бакырчы авылында капиталь ремонттан соң Мәдәният йортын ачу тантанасы булды. Клуб эчендә дә, тышкы яктан да танымаслык булып үзгәргән.
Модернизация үз эченә фасадны, керү төркемен ремонтлау, эчке бүлмәләрне бизәү, яңа музыка җиһазлары һәм мебель, тамашачылар өчен утыргычлар, сәхнә киемнәре сатып алуны ала. Хәзер бу заманча бина – бәйрәм һәм иҗат атмосферасын тудыра торган уңайлы һәм матур бина. Мәдәният йорты авыл җирлегенең биналарын, почта бүлекчәсен, китапханәне, фельдшер-акушерлык пунктын үз эченә ала.
Тантаналы ачылышта район башлыгы Равил Хисаметдинов, ТР мәдәният министры урынбасары Ленар Хәкимҗанов, ТР Дәүләт Советы депутаты Фәнил Баһаветдинов һәм “Ак Барс“ банкы идарәсе рәисе урынбасары Илфан Гобәйдуллин катнашты.
Шулай ук “Ак Барс“ Банк идарәсе исеменнән авыл мәдәният йортына 50 мең сумлык сертификат тапшырылды.
"Хәзер бу өр-яңа, заманча бина, тыштан гына түгел, эчке яктан да якты һәм шатлыклы. Яңартылган мәдәният йорты җирле халыкны үзенә тартып тору үзәгенә әйләнсен иде! "- дип билгеләп үтте район башлыгы үзенең котлау чыгышында.
Клуб хезмәткәрләре яңарту эшләре дәвам итәчәк,бары тик хәзер генә – авылның мәдәни тормышы дәрәҗәсендә.