График нигезендә Апас районында авыл хуҗалыгы техникасына дәүләт техник карау уза.
Авыл хуҗалыгы техникасына техник карауны бүлек башлыгы-баш дәүләт инженер-инспекторы Ирек Султанбеков үткәрде.
Техниканы карау барышында Апас районы буенча баш дәүләт инженер-инспекторы яктырту һәм тавыш сигнализацияләре, тракторларның тормоз һәм руль механизмнары эшенә аерым игътибар бирде. Шулай ук техниканың тышкы кыяфәте, двигатель номерларының һәм шассиның техпаспорттагы язмаларга туры килүе һ. б. контрольдә тотылмады.
«Техосмотр-монда вак-төякләр булмый, техниканың төзеклегенә ышанычлы булырга кирәк. Һәр агрегатның һәм механизмның җитештерүчәнлегенә һәм өзлексез эшләвенә, тулаем алганда, эшчәнлекнең нәтиҗәлелеге һәм, нәтиҗә буларак, киләчәк уңыш алуда көтелгән нәтиҗә бәйле", - дип билгеләп үтте районның авыл хуҗалыгы идарәсе башлыгы Радик Гыйсмәтов.