Капиталь төзекләндерүдән соң мәдәният йортында авыл тарихын чагылдырган музей бүлмәсе булдырылган.
“Музеебыз борынгы экспонатлар, кул эшләнмәләре, тормыш кирәк-яраклары белән көннән-көн тулылана бара. Авыл халкы да музейга яратып килә. Өлкәннәр балачак хатирәләрен яңарталар, авыр, шул ук вакытта күңелле дә узган яшьлек елларын искә алалар. Авылның борынгы тормыш-көнкүреше белән яшь буын да кызыксына”, - ди музей җитәкчесе Ландыш Моталлапова.