“Иңне-иңгә куеп яшибез”

Апаста яшәүче Фәрит абый белән Фәния апа Зиатдиновларның гаилә корып яши башлауларына 55 ел гомер узган.

Тормыш сукмагыннан атлаганда күп авырлыклар күрсәләр дә, бер-берсенә җылы мөнәсәбәтләрен җуймаганнар алар.
“Тигез, тату яшәү өчен бер-береңә игътибарлы һәм ихтирамлы булу кирәк. Тормыш булгач төрле хәлләр булды. Ачысын да, төчесен дә иңне-иңгә куеп кичердек. Бала югалту хәсрәте дә безне читәп үтмәде. Шулай да бүгенгесенә шөкер итеп яшибез. Кызыбыз, оныгыбыз янәшәсендә хасиятле гомер кичерәбез, - диләр алар.