Безнең район "блокадалы икмәк"Бөтенроссия акциясенә кушылды

Акциянең төп максаты-блокададагы Ленинградның тыныч халкының батырлыгы турында тарихи хәтерне саклау. Акциянең төп символы-125 граммлы икмәк кисәге. Камалыш чорында балаларга тәүлегенә нәкъ менә шуның кадәр икмәк бирелде.

Районда барлыгы биш сугыш ветераны, Ленинград блокадасы шаһиты һәм 220 тыл ветераны яши. «Блокадалы икмәк» акциясе кысаларында ветераннар хөрмәтенә район мәктәпләрендә Хәтер дәресләре, сыйныф сәгатьләре уза. Бөтенроссия акциясенә Апас мәктәбе дә кушылды. Биредә укытучы Марсель Хикматов 10 сыйныфларда «блокадалы икмәк» дип исемләнгән хәтер дәресе үткәрде. Дәрестә укучылар Ленинград блокадасының тере шаһитларының биографиясе белән таныштылар. Тутай авылыннан Галия Гыйззәтуллина, Мазык авылыннан серия Сафина.
- Әлеге акция кысаларында Хәтер дәресләре дәвам итәчәк. Бүген «Ленинград блокадасы – тарихның онытылмас бите» дигән класстан тыш чарага һәм Россия балалар хәрәкәтенең истәлекле чарасына әзерлек бара, – ди Апас мәктәбе директоры урынбасары Эльвира Хикматова.