Татарстанда федераль программаларны гамәлгә ашыру мәсьәләләре буенча эшче төркем утырышы узды
Утырыш Дәүләт Думасында «Бердәм Россия» фракциясе депутаты Әлфия Когогина рәислегендә узды
Дәүләт Думасы депутаты, Дәүләт Думасының кече һәм урта эшкуарлык комитеты рәисенең беренче урынбасары Әлфия Когогина рәислегендә Татарстан Республикасы территориясендә федераль программаларны гамәлгә ашыру мәсьәләләре буенча эшче төркемнең чираттагы утырышы узды.
Ул билгеләп үткәнчә, көндәлек, җентекле эш нәтиҗәсендә республика Татарстанның сәнәгать секторына федераль акчалар җәлеп итү буенча лидерлык позициясендә тора.
«2021 елда җитди нәтиҗә алдык – 52,7 млрд. сумнан артык (2020 елга караганда 60% ка артыграк) җәлеп ителде. Агымдагы елга бурыч-эш тизлеген һәм сыйфатын киметмәү һәм предприятиеләрнең дәүләт программаларында катнашуына мөмкин кадәр ярдәм итү", - дип хәбәр итте депутат.
Татарстан Республикасы сәнәгать һәм сәүдә министрлыгы җитәкчелеге катнашында узган эшлекле киңәшмә барышында 2021 елда беркетелгән юнәлешләр буенча уртак эшкә йомгак ясалды һәм агымдагы елга планнар турында фикер алыштылар.
«ФРП белән эшләү нәтиҗәләре буенча без лидерлар өчлегенә керүебез мөһим. Дәүләт субсидияләреннән һәм дотацияләрдән тыш, Татарстан икътисадының реаль секторындагы 10 предприятие үз производстволарын үстерү өчен 1-3 процент белән 1799 млн сум күләмендә ташламалы кредитлар алды", - дип билгеләп үтте Когогина.