Аннан башка сәхнәне күз алдына да китереп булмый
Кече Күккүз авылында яшәүче Гөлүсә Зәйнуллинаны без сәхнә осталары буларак беләбез. Ул тамашачыны еларга да, көлергә дә мәҗбүр итә белә. Сәхнәгә чыгуга, ул тамашачының игътибарын тулысынча җәлеп итә. Авылдашлары арасында зур ихтирам казана.
- Сәхнә минем өчен тормыш. Тамашачыга чыкканда минем бөтен борчуларымны һәм арыганлыгымны онытам. Һәрвакыт сәхнә буйлап сагынам. Үз эшемне яратам, - ди ул.
Гөлүсә мәдәнияттә 29 ел. Аннан башка Кече Күккүз авылы мәдәният йортын күз алдына да китереп булмый. Оста оештыру сәләтенә дә, бай фантазиягә дә ия.
Буш вакытларында кул эшләре белән шөгыльләнә, түбәтәйләр тегә, җылы әйберләр бәйли. Ул кайгыртучан хатыны да, назлы әни дә, кадерле әби дә. Тормыш иптәше Рәфыйк белән ике кыз тәрбияләп үстергәннәр, аларга югары белем биргәннәр.