Апас районы укучылары өчен каникулларда күңелле һәм файдалы ял итү өчен берничә чара әзерләнгән.
Апас муниципаль районында мәктәп каникуллары кысаларында чаралар оештырылды. Чаралар Апас муниципаль районы Советында "Бердәм Россия" партиясенең депутат фракциясе инициативасы белән оештырылды. Депутат фракциясе җитәкчесе Ленар Хантимиров билгеләп үткәнчә, мондый чаралар 28 марттан 3 апрельгә кадәр Язгы каникуллар чорында да оештырылачак.
Бүгенге көндә һәр мәктәптә саф һавада спорт бәйрәмнәре үткәрү планлаштырылган, шулай ук район мәдәният йортында депутатлар корпусы инициативасы белән югары сыйныф укучылары өчен Буа драма театрының "Кече Ватан мәдәнияте" партия проекты кысаларында сәхнәгә куелган "Никах"спектакле күрсәтеләчәк.
Бүген районның чаңгы спорты үзәге базасында Россия спорт мастеры, СССР спорт мастеры, ветераннар арасында дөнья призеры Мансур Әхмәдиев призларына район укучылары арасында чаңгы ярышлары узды.
Ярышларда 1-10 сыйныф укучылары катнашты. Шул ук вакытта укучылар ГТО нормативларын да тапшырдылар.
"Ярышларның нәтиҗәләре ГТО нормативларын тапшыру исәбенә бара. Укучылар арасында отличниклар күп", - ди ГТОның җаваплы хезмәткәре Марсель Хисамов.
#ЕР16, #ЕРТатарстан, #ЗдоровыеКаникулыЕР, #ЕРпомогает