Республика конкурсында җиңү

Казанда " Ел хатын-кызы. Ел ир-аты: хатын-кыз карашы»республика конкурсында җиңүчеләрне бүләкләү тантанасы узды.

Реклама

Тантана Салих Сәйдәшев исемендәге Зур концерт залында башланды. Аннары бәйрәм «Корстон»үзәгендә чәй өстәлләре артында дәвам итте. Бу матур бәйрәмдә безнең район делегациясе дә катнашты. Быел «хатын-кыз-лидер» номинациясендә район башкарма комитеты җитәкчесе урынбасары Луиза Сафина җиңү яулады.
- Бу җиңүгә мин озак еллар бардым. Конкурста катнашу өчен иң беренче чиратта сезнең хезмәтегезнең нәтиҗәләре күренергә тиеш. Конкурс шартлары буенча мин шулай ук үз эшем турында альбом, видеоматериаллар бирдем. Җиде ел район башкарма комитеты җитәкчесенең социаль мәсьәләләр буенча урынбасары булып эшлим. Жюри, минем хезмәтемне югары бәяләп, мине бу җиңүгә лаек дип таныды. Республика, район җитәкчелегенә, Апас районы халкына ярдәмнәре өчен зур рәхмәтемне белдерәм. Бу көтелмәгән һәм күңелле бүләк булды. Мин бик күп шатлыклы мизгелләр кичердем, - ди Луиза Сафина.
Җәмгыятьтә хатын-кызларның ролен күрсәтү, аларның нәтиҗәле эшен, бөтен республикага сәләтләрен популярлаштыру максатыннан үткәрелгән конкурста район ветераннар советы рәисе Гөлнур Насыйбуллина да катнашты. Ул район данын «өченче буын герое " номинациясендә яклады. Шулай ук мәдәният өлкәсендә күп еллар эшләгән һәм аннан соң театр сәнгатендә якты эз калдырган Миләүшә Алиуллина, озак еллар балалар тәрбияләүче, белем алучы Альмира Хисамова, 20 елдан артык өлкәннәргә ярдәм итүче социаль хезмәткәр Лилия Хәсәнова, район социаль яклау идарәсе җитәкчесе Зөлфия Гайнуллина да бәйрәм кунаклары булдылар.