Районда су басу якынлаша

Районда социаль әһәмиятле, икътисади һәм тормыш тәэмин итә торган объектларны, күперләрне язгы ташудан саклау буенча җитди чаралар күрелә.

ТР Министрлар Кабинетында гадәттән тыш хәлләрне бетерү һәм кисәтү һәм янгын куркынычсызлыгын тәэмин итү комиссиясе утырышында язгы ташу белән бәйле гадәттән тыш хәлләрне булдырмау чаралары турында сөйләделәр.
Киңәшмә барышында республикада бу язда су басу зонасында калырга мөмкин булган торак пунктларны атадылар. Татарстанның гражданнар оборонасы һәм гадәттән тыш хәлләр министры урынбасары Николай Суржко хәбәр иткәнчә, муниципаль берәмлекләргә язгы ташу башланганчы кар чыгару эшләрен төгәлләргә кирәк.
Видеоконференция режимында узган киңәшмәдә район комиссиясе вәкилләре катнашты. Районның гадәттән тыш хәлләрне бетерү һәм кисәтү, янгын куркынычсызлыгын тәэмин итү комиссиясе рәисе Алмаз Тугушев район территориясендә язгы ташуга әзерлекне көчәйтергә, профилактик чаралар күрергә һәм ташкын вакытында үз-үзеңне тоту кагыйдәләрен халыкка җиткерергә кирәклеген искәртте.
Дәвеш, Югары Акхуҗа, Сатмыш һәм Зур Күккүз авыллары тирәсендә су күтәрелергә мөмкин. Су басу мөмкин булган авылларга шулай ук Чирү, Кара Борнаш, Югары Ындырчы, Шыгай, Азбаба, Берләш, Чүри-Барыш һәм Тутай керә. Бу авылларда 274 кеше яши, шул исәптән 38 бала. Районда социаль әһәмиятле, икътисади объектларны һәм тормыш белән тәэмин итү объектларын, күперләрне су басудан саклау буенча җитди чаралар күрелә.