РФ Дәүләт Думасы депутаты Айрат Фәррахов эш визиты белән Апас районында булды.
Депутат беренче эш итеп «Бердәм Россия»партиясенең Апас бүлекчәсе җирле җәмәгать кабул итү бүлмәсендә гражданнарны кабул итте. Депутатка 3 апаслы төрле сораулар белән мөрәҗәгать итте. Беренче мәсьәлә Апас ш.т. п. Мөселман-яшьләр рухи үзәге төзелешенә кагылышлы иде. Әлеге үзәк хәйрия акчаларына төзелә, диварлар төзелгән, әмма эчке бизәкләү өчен тагын материаллар кирәк. Депутат әлеге үзәккә федераль дәрәҗәдәге коммерцияле булмаган оешмалар конкурсларында һәм грантларында катнашырга тәкъдим итте һәм гаризаларны тутыруда үз ярдәмен тәкъдим итте.
Шулай ук депутатка урта профессиональ уку йортларын укыту өчен җиһазлар һәм техника белән тәэмин итү буенча федераль программа кабул итү үтенече белән мөрәҗәгать иттеләр. Апас аграр көллияте нәкъ менә шундый ярдәмгә мохтаҗ.
Депутатка боз сараенда тәрбияләнүчеләргә «Алтын Алка»Боз сараена йөрүче балаларның ата-аналары хоккей формалары алу үтенече белән мөрәҗәгать иттеләр. «Боз сарайларын хоккей формалары белән тәэмин итү проблемасын хәл итү дә федераль дәрәҗә таләп итә. Мин мондый учреждениеләрне хоккей формалары белән тәэмин итү буенча федераль программаны кабул итү турында үтенеч бирәчәкмен. Чөнки бу проблема сездә генә кискен тормый, - дип билгеләп үтте Айрат Зәкиевич.