Социаль эшмәкәрләргә

2022 елдан инвалидлыклары булган шәхси эшмәкәрләр социаль эшмәкәр статусын ала алачак.

 Дәүләт Думасына кече һәм урта эшкуарлыкны үстерү турындагы законга (24.07.2007 ел, № 209-ФЗ) төзәтмәләр кертелде. Төзәтмәләр инициаторлары аңлатканча, хәзерге вакытта социаль предприятие статусын гражданнарның, шул исәптән инвалидларның, социаль яклауга мохтаҗ категорияләрен, мәшгульлеген тәэмин итүче кече һәм урта эшмәкәрлек субъектлары ала ала. Мондый статусны узган ел нәтиҗәләре буенча күрсәтелгән затларның исемлек буенча уртача саны кимендә 50% тәшкил иткән (әмма ике заттан да ким булмаган), ә мондый хезмәткәрләргә хезмәт хакы өчен чыгымнар өлеше 25% тан да ким булмаган очракта алырга мөмкин. Мондый шартлар билгеләгәндә үзләре ялланган хезмәткәрләрдән башка эшчәнлек алып баручы инвалидларның мондый категориясенә керә торган шәхси эшмәкәрләр социаль предприятие статусын ала алмый. Шуңа бәйле рәвештә 107584-8 номерлы закон проектында ялланган хезмәткәрләрсез индивидуаль эшкуарларга, шулай ук социаль яклауга мохтаҗ гражданнар категорияләре арасыннан бер генә хезмәткәрне дә эшкә урнаштыручы индивидуаль эшмәкәрләргә социаль предприятие статусын алу мөмкинлеге бирә торган төзәтмәләр бар.