"Әти-әни васыятьләрен саклыйбыз"

Зеленодольскийда  «без тарихта эзлебез»фестиваленең зона этабы узды. Катнашучы гаиләләр үзләренең гаилә шәҗәрәләрен генә түгел, ә милли һәм гаилә ашларын, кулдан эшләнгән әйберләрне дә тәкъдим иттеләр, концерт номерлары күрсәттеләр.

Фестивальдә Олы Болгаерда яшәүче Зарифуллиннар нәселе дә катнашты.
Алинә Амануллина инде 11 буын шәҗәрәсен алып бара.
– Безнең зур шәҗәрәбездә барлыгы 11 буын-1714 елдан 2020 елга кадәр. Без-Мөхетдин бабайның бабасы. Безнең бабайларыбыз тырыш, хезмәт сөючән булдылар, үз осталыкларын яшьләргә дә тапшырдылар. Без биш буын һәм Аталар линиясе буенча мәгълүмат таба алдык. Хәмзә Бәдретдиновның «Иске Болгар» китабыннан бик күп файдалы мәгълүмат алдым һәм туганнарын сораштым, – ди ул.
Зарифуллиннар нәселе һәрвакыт бердәм, туган җепләрен нык тоткан. Авылда калучылар да, аннан читтә үз бәхетләрен тапкан кешеләр дә тыгыз аралашалар һәм гаилә традицияләрен саклыйлар. Алар арасында төрле һөнәр ияләре дә бар. Әмма алар барысы да сәнгатькә гашыйк.
Бу иҗади, тату гаилә Яшел Үзәндә үз осталыкларын күрсәтте, югары бәя алды.
Олы Болгаер клубында да Шәҗәрәләр бәйрәме узды.
#исән-сау