Кул эшләнмәләренә күңел җылысы салынган
Фирдәүсә апа Гыйсмәтуллина Дүшәнбе шәһәрендә туган һәм үскән. Таҗикстанда татар мәктәбендә укый.
– Бездә бик яхшы мәктәп бар иде. Укытудан тыш, безне җырларга, биюләргә, бәйләргә, тегәргә өйрәттеләр. Чит телләр өйрәндек. 8 сыйныфны тәмамлаганнан соң, тегүче булырга теләп, училищега укырга кердем. Укуны тәмамлагач, Дүшәнбе шәһәрендә тегү фабрикасында эшли. Аннары Казанга кайттым һәм тегүче булып эшкә урнаштым, - дип искә ала ул үзенең балачак һәм яшьлек елларын.
Язмыш Фирдәвесне Коштаулы авылына кайта. Нияз абый белән бергә тату гаилә корганнар. Аларның ике кызлары – Лилия һәм Алия дөньяга килә. Фирдәүсә апа аларны олы тормышта үзләрен табарга тырыша.
- Олы кызым Лилия ике яшьтән шигырьләр укырга ярата иде. Шулай ук чит телләрне өйрәнүгә сәләтен күрсәтте. Мәктәптә укыганда чит телне тирәнтен өйрәнү өчен атна саен Казанга бардым. Ул гитарада уйнарга ярата. Икенче кызы Алия музыканы ярата. Аны Каратун музыка мәктәбенә поездда йөртәләр. Аллага шөкер, кызлары югары белем алганнар, мәктәпне медаль белән тәмамлаганнар. Хәзерге вакытта яраткан һөнәре буенча эшли. – Баланы тәрбияләү дә зур тырышлык таләп итә, - ди Фирдәүсә ханым.
Ул яраткан эше белән шөгыльләнү өчен дә вакыт таба. Тегүче-оста булуын җирлек халкы да белә. Фирдәвес апага кием төбенә, яки теге яки бу әйберне тегәргә мөрәҗәгать итәләр. Ул төрле милләт костюмнарын да, балалар бакчасында тәрбияләнүчеләр өчен әкият персонажларын да бик теләп тегә. Бу эшкә ул кызларын да җәлеп итә башлаган. Мәктәпкә үзенең кул эшләре, чигү, бәйләү белән ярдәм итәргә тырыша.
Ул мәдәният йорты коллективы эше белән дә тыгыз бәйләнгән. Бәйрәмнәрдә чыгыш ясау өчен төрле милләт костюмнары тегелә. Үз куллары белән төрле конкурсларда катнаша.
Аның куллары нинди генә эшләр башкарылмаган! Төрле төстәге җепләрдән чәчәкләр, хайваннар фигуралары, вазалар, агачлар, кием-салым, өй тапочкалары бәйләнгән.
– Барыннан да элек, иске киемне сүтәм. Иске киемнәр дә ташламыйм, аңа икенче тормыш бүләк итәм. Нинди дә булса үрнәкләрне Интернетта карыйм, нинди дә булса үзем уйлап чыгарам, аннары эшкә керешәм. Мин үз иҗатыма сокланам, алар белән сөйләшәм, һәр эшемнең исемнәре бар, – дип уртаклашты оста кул эшчесе.
Җәй көне Нияз абый белән бергә үз участогында яшелчә үстерәләр. Шулай ук йортны чәчәк композицияләре белән бизәргә яраталар.