Апас мәктәбе укучылары гаилә серләрен өйрәнә

2022 елның 27 мае, җомга

Апас мәктәбенең 10 класс укучылары ЗАГСта кунакта булдылар. Әлеге чара Халыкара гаилә көне уңаеннан оештырылды.

Егетләр, кызлар иң элек ЗАГС бинасы, биредәге эш бүлмәләре, язылышу залы белән таныштылар. Аннан хезмәткәрләрнең эшчәнлеге белән кызыксындылар.

"Кешенең беренче документы да, соңгы таныклыгы да биредә языла. Гаилә коручылар ны тәбрикләргә, аерылышуларның шаһиты да булырга туры килә. Бездә бөтен документлар саклана", - диде ЗАГС бүлеге җитәкчесе Розалия Насыйбуллина.

Укучылар архивтагы документларны карадылар, нык гаилә серләре хакында сөйләштеләр, хезмәткәрләр белән аралаштылар.