Роспотребнадзор: Авыручылар саны артса, битлек режимы янәдән кертелергә мөмкин

2022 елның 29 июле, җомга

Эпидемиологик вазгыять начарланган очракта, Татарстанда битлек режимы гамәлгә куелырга мөмкин.

Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнеңТатарстан буенча идарәсе матбугат хезмәтендә искәртүләренчә, хәзер яңа коронавирус инфекциясе белән авыручылар саны түбән дәрәҗәдә һәм эпидемия процессы тотрыклы. Әмма ведомствода көзен авыручылар саны арту мөмкинлеге турында әйтәләр.

«Covid-19 эпидемия вазгыяте катлауланган очракта һәм ОРВИ белән гриппп авыруларының сезонлы артуын исәпкә алып, битлек режимы яңартылырга мөмкин», - диделәр ведомство матбугат хезмәтендә.

Санитар табиблар коронавируска каршы кабат вакцинация узарга киңәш итә. Искәртик, прививканы алдагысыннан ярты ел узгач ясату яхшырак.

Табиблар киңәше буенча өлкән яшьтәге һәм хроник авырулары булган кешеләргә җәмәгать урыннарында битлек киеп йөрергә кирәк.

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International