Апас районында "Геройлар паркы" җирле партия проекты кысаларында Россия Хәрби-диңгез флотында хезмәт иткән солдатлар һәм хезмәткәрләр хөрмәтенә һәйкәл ачылды.
Һәйкәл төзелешенә акчаларның бер өлеше «Бердәм РОССИЯ»Бөтенроссия сәяси партиясе җирле бүлекчәләренең иң яхшы мобилизацион проектлары конкурсында откан Грант кысаларында файдаланылды.
Хәрби-Диңгез флоты көненә багышланган чарага төрле елларда үзләренең хәрби бурычларын үтәгән егетләр һәм кызлар, аларның тормыш иптәшләре, балалары, туганнары, Апас җирле бүлекчәсенең «Яшь гвардия» әгъзалары җыелды.
Солдатлар очрашып хатирәләре белән уртаклаштылар. Бу тантаналы мизгелдә һәркем горурлык хисе кичерде. Аларның шатлыгын партиянең Апас җирле бүлекчәсе секретаре, район башлыгы Айрат Җиһаншин да уртаклашты.
“Чын күңелдән Хәрби-Диңгез Флоты көне белән котлыйм. Илебезнең чын патриотлары булуыгыз өчен зур рәхмәт сезгә, - дип билгеләп үтте ул үзенең котлау чыгышында һәм һәйкәл төзүдә ярдәм күрсәткән спонсорларга рәхмәт белдерде.
Район хәрби комиссары Наил Зәнтимеров Россия флотының барлыкка килү тарихы турында сөйләде, хәрби-диңгез флоты-безнең дәүләтнең горурлыгы, дип билгеләп үтте.
Шунысын да билгеләп үтәргә кирәк, һәйкәл төзелеше - «Геройлар паркы»җирле партия проектын тормышка ашыруның тагын бер этабы. Әлеге җирле партия проекты кысаларында 6 ел дәвамында Апас ш.т. б. Бөек Ватан сугышында Җиңүнең 65 еллыгы хөрмәтенә мемориаль комплекс урнашкан Үзәк урамда алты Советлар Союзы Герое-Апас районы якташларының бюстлары пәйда булды, районнан кайнар нокталарда һәлак булган алты солдат хөрмәтенә истәлек такталары урнаштырылды, хәрби –десантчылар, чик сакчылары, хатын –кыз-сугыш елларында тракторчы-тракторчыларга һәйкәл куелды. Хәрби-Диңгез Флоты солдатларына куелган һәйкәл Апасның шундый тарихи һәм патриотик почмагын тулыландырды һәм районның тагын бер истәлекле урынына әверелде.