РФ Хөкүмәте инвестицион кредитлауның пилот программасы буенча процент ставкаларын кече һәм микропредприятиеләр өчен – 4% ка, урта бизнес өчен 2,5% ка кадәр киметте.

Россия Банкының төп ставкасы үзгәрү аркасында ставкаларның кимүе мөмкин булды. 

Россия Федерациясе Икътисадый үсеш Министрлыгының, Россия Банкының һәм МСП корпорациясенең инвестицион кредитлау буенча уртак программасы 25 августта эшләтеп җибәрелде һәм җитештерү предприятиеләре, шулай ук авыл хуҗалыгы, кунакханә бизнесы, Транспорт һәм саклау өлкәсендәге компанияләр өчен эшли. 

Әлеге программа буенча инвестицион максатларга 50 млн сумнан 1 млрд сумга кадәр кредитларны эшмәкәрләр 18 банкта ала ала, аларның исемлеген ТР Икътисад министрлыгы сайтында бастырып чыгаралар. Ташламалы ставкалар буенча кредитлар өч елга кадәр бар.

Килешүләрне структуралаштыруда ярдәм итү өчен РФ ЮСП санлы платформасында махсус мәгълүмат сервисы эшли. 

Россия Хөкүмәтенең 16.08.2022 ел, №1420 карары кысаларында ташламалы кредитлауның яңа программасы буенча эшли башлаганнан бирле республикада 5,3 млрд. сумлык 52 заявка бирелгән. Биш заявка буенча барлыгы 570 млн сум бирелгән.