2021 елда 5 млн сумнан артык керем алган татарстанлылар НДФЛ өстәмә түләргә тиеш
Быел салым уведомлениесенә беренче тапкыр физик затлар кеременә салым күләме кертелгән, ул 15% күтәрелгән ставка буенча 5 млн сумнан артып китә. Физик затлар кеременә салымны салым органы тарафыннан җибәрелгән салым хәбәрнамәсе нигезендә түләргә кирәк.
Искәртеп узабыз, салым чорында 5 млн сумнан артык физик затларның кеременә карата 15% күләмендә НДФЛ ставкасы 2021 елның 1 гыйнварыннан кертелгән.
Шул ук вакытта, мөлкәтне сатудан алынган керем күләменә карамастан, бүләк итү тәртибендә алынган мөлкәт хакы рәвешендәге керем, шулай ук иминият килешүләре буенча иминият түләүләре рәвешендә алынган керем 13% ставкасына салына. Әмма монда да искәрмәләр бар: кыйммәтле кәгазьләрне сатканда яки бүләк иткәндә, югары ставка буенча бюджет белән 15% исәп-хисап ясарга туры киләчәк.
Шул рәвешле, кешенең төрле чыганаклардан Кереме 5 млн сумнан артып китсә, салым органы өстәмә суммаларны мөстәкыйль төстә җиткерәчәк һәм кирәк икән, аңа хәбәр җибәрәчәк.
Агымдагы елда, 2021 ел нәтиҗәләре буенча, республиканың территориаль салым органнары тарафыннан, 3,7 мең физик затка карата 15% күтәрелгән ставканы исәпкә алып, НДФЛ исәпләнгән, аларга 180 млн сумнан артык суммага НДФЛ түләүгә салым хәбәрнамәләре җибәрелгән.
Шуңа күрә 2021 елга НДФЛ түләү буенча салым белдерүләре алган татарстанлылар 2022 елның 1 декабренә кадәр физик затлар кеременә салым түләргә тиеш.