Эш бирүчеләр балигъ булмаган эшчеләрне эшкә алу кагыйдәләрен гадиләштерә алалар
Дәүләт Думасына РФ Хезмәт кодексына төзәтмәләр кертелгән, алар балигъ булмаган гражданнарны эшкә урнаштыру кагыйдәләрен гадиләштерергә тәкъдим итә. Аерым алганда, 231551-8 номерлы закон проекты гомуми белем алган яки 14 яшькә җиткән кеше белән хезмәт килешүе төзегәндә аның сәламәтлегенә зыян китерми торган җиңел хезмәтне башкару өчен опека һәм попечительлек органнарының ризалыгын алу зарурлыгын бетерергә тәкъдим итә. Эшкә урнашу өчен бер ата-ананың яки законлы вәкилнең ризалыгы җитә.
Шулай ук балигъ булмаган хезмәткәрне эшкә урнаштырганда үз хисабына башлангыч медицина тикшерүе уздыру зарурлыгыннан азат итәргә тәкъдим ителә.
Моннан тыш, балигъ булмаганнарны эшкә урнаштырганда контроль-күзәтү чараларының яңа тәртибен билгеләү тәкъдим ителә - бары тик балигъ булмаган хезмәткәр яки аның законлы вәкиле гаризасы буенча гына.