Халыкны эш белән тәэмин итү турында яңа закон кабул ителде
Владимир Путин халыкны эш белән тәэмин итү турында төп Законга кул куйды. Документта эшкә урнашуда мәшгуль яки ярдәмгә мохтаҗ дип саналган кешеләрнең статусы ачыклана (эшсезләр). Шулай ук «үзмәшгульлек», «платформалы мәшгульлек»кебек төшенчәләр кертелә. Эшсез статусын алуның яңа тәртибе билгеләнгән. Хәзер эш эзләүчеләрне, мәшгульлек үзәгендә теркәлгәннәрне һәм эшли башларга әзер булганнарны шундый дип саныйлар. Әгәр кешегә 10 көн эчендә эш табылмаса, аны эшсез дип таныйлар. Законда эшсезлек буенча пособиенең минималь күләме билгеләнгән, түләүләр ел саен индексацияләнәчәк. Шулай ук яңа закон катнашучыларга һәм аларның гаиләләренә эшкә урнашу өчен өстенлекле хокук бирәчәк. Мәшгульлек гарантияләре инвалидлар, пенсионерлар һәм ятим балалар өчен беркетеләчәк.