Сатмыштан Рәйсә әби һәр яңа туган көнгә сөенеп яши

– Үги балам армиягә киткәндә шоссега кадәр йөгереп чыгып, елап озатып калдым. 5 баламны да бертигез күреп үстердем. Хәзер менә кадер-хөрмәттә генә яшим, – ди Сатмыш авылында гомер итүче, бу көннәрдә 90 яшьлеген каршы алган Рәйсә әби Әхмәтвәлиева. 15 яшьтән әти-әнисез калып үзенең биш туганын да тәрбияләп үстерә ул... Район башкарма комитеты җитәкчесе урынбасары М.Ногманов һәм ветераннар Советы рәисе М. Хакимҗанова юбилярга Россия Федерациясе Президенты В.В. Путинның тәбрикләвен һәм район башлыгы исеменнән бүләк тапшырды.