Эшмәкәрләргә гарантияле ярдәм күрсәтү
Татарстанда заем финанслауны рәсмиләштергәндә үз залоглары булмаган очракта дәүләт поручительлекләреннән файдалана алырлык эшмәкәрләр даирәсе киңәйтелгән. Эшмәкәрләргә гарантияле ярдәм «нәтиҗәле һәм конкурентлы икътисад»милли проекты буенча гамәлгә ашырыла.2025 елдан кече һәм урта эшкуарлык субъектлары, шулай ук Татарстан Республикасында эшчәнлек алып баручы үзмәшгуль гражданнар үз бизнесларын үстерү өчен Татарстан Республикасы Гарантия фонды поручительлеге рәвешендә гарантия ярдәменнән файдалана ала.Бүген Татарстан Республикасы Гарантия фонды эшкуарларга һәм үзмәшгуль гражданнарга әйләнештәге акчаларны тулыландыруга, рефинанслауга йөкләмәләр бирә – поручительлек суммасы 70 млн сумга кадәр, инвестиция проектларын гамәлгә ашыруга һәм әйләнештән тыш активларга кертемнәргә - монда сумма 100 һәм 120 млн сумга кадәр тәшкил итә. Поручительлек кредит суммасының, банк гарантиясенең 70% ка кадәр җитәргә мөмкин, ә комиссия бирелә торган поручительлек суммасының 0,1 дән 1% ка кадәр минималь булып кала.Финанс ярдәменә икътисадның барлык тармакларыннан диярлек эшкуарлар, шул исәптән авыл җирендә эшчәнлек алып баручылар, экспортерлар, индустриаль һәм сәнәгать парклары резидентлары, шулай ук интернет–мәйданчыкларда сәүдә итүче эшкуарлар дәгъва итә ала. Уен бизнесы, финанс һәм иминият хезмәтләре белән шөгыльләнүче эшмәкәрләр искәрмә булып тора.Исегезгә төшерәбез, Татарстан Республикасы Гарантия фонды финанс оешмасы бәяләмәсе буенча тотрыклы финанс хәленә ия булган эшкуарларга заем финанславын (кредит, заем, лизинг, банк гарантиясе) рәсмиләштергәндә поручительлек бирү рәвешендә гарантияле ярдәм күрсәтә, ләкин залог белән тәэмин ителеш җитәрлек түгел.Дәүләт гарантияләре бирү программаларын гамәлгә ашыру «нәтиҗәле һәм конкурентлы икътисад»милли проекты буенча гамәлгә ашырыла.