2025 елның 1 мартыннан контроль-касса техникасын(ККТ) куллану кагыйдәләренә үзгәрешләр үз көченә керә.

Бу үзгәрешләр исәп-хисапларның үтә күренмәлелеген һәм бизнес һәм сатып алучылар өчен уңайлылыкны арттыруга юнәлдерелгән.

Әйтик, ККТны теркәү вакыты кыскартылды: хәзер кассаны теркәргә, яңадан теркәргә яки исәптән төшерергә 10 эш көне урынына 5 эш көне алдан мөмкин булачак.

Ваклап сату базарларында, ярминкәләрдә, күргәзмә комплексларында сәүдә иткәндә түбәндәге сатучылар гына ККТ куллана алмаячак:

сәүдә урыннарының гомуми мәйданы 15 кв. м дан артмаган очракта, өчтән артык булмаган сәүдә урыны булган ЕХН түләүчеләре;
гомуми сәүдә урыннары саны илледән артмаган ял көне ярминкәсендә сәүдә иткәндә эшчәнлекнең билгеле бер төрләре буенча салым салуның патент системасын кулланучы индивидуаль эшкуарлар;
2025 елның 1 мартыннан 1 сентябренә кадәр авыл хуҗалыгы кулланучылар кооперативлары (авыл хуҗалыгы кредит кулланучылар кооперативларыннан тыш).
ККТ куллану өлкәсе киңәйтелде: ККТ куллану Россия Банкының тиз түләүләр системасы (СБП) аша акчасыз исәп-хисап ясаганда, шулай ук автомат җайланмалар кулланганда мәҗбүри булачак.

Салым органы кассаны исәптән төшерә алачак: әгәр фискаль мәгълүматларны тикшерү өчен кассага керү мөмкинлеге тәэмин ителмәсә, салым органнары ККТны берьяклы тәртиптә исәптән төшерү хокукына ия булачак.

Җәмәгать туклануы өчен яңа кагыйдә билгеләнгән: җәмәгать туклануы хезмәтләрен күрсәткәндә ККТ кулланучылары, клиентның исәп-хисап ясарга ризалыгын алгач, касса чегын кәгазьдә бастырып чыгарырга һәм аны клиентка исәп-хисап ясалганчы бирергә тиешләр.

Чекны җибәрүнең яңа ысулы барлыкка килде: сатып алучылар электрон чекларны «Минем чеклар Онлайн»Федераль салым хезмәте сервисы аша ала алачак https://clck.ru/3GLokh әгәр клиент үзенең телефон номерын яки email номерын биреп ризалык бирсә. Бу кәгазь чеклардан баш тартырга һәм сатып алулар турындагы мәгълүматны электрон рәвештә сакларга мөмкинлек бирәчәк.