4 ноябрьда Халыклар бердәмлеге көне кысаларында район үзәгендә авыл хуҗалыгы ярминкәсе узды. Халыкка авыл хуҗалыгы берләшмәләрендә, шәхси хуҗалыкларда җитештерелүче азык-телек, мәктәп яны кишәрлекләрендә үскән яшелчә һәм түгәрәкләрдә балалар тарафыннан ясалган кул эшләре тәкъдим ителде. Каратун ашлык кабул итү предприятиесе һәм аграр көллият ашханәләре апаслыларны бушлай коймак-чәй белән сыйлады.