«"Апас " спорт залында Бөек Җиңүнең 80 еллыгына багышланган бадминтон ярышлары узды

2025 елның 23 апреле, чәршәмбе

"Апас " спорт залында Бөек Җиңүнең 80 еллыгына багышланган бадминтон ярышлары узды

  «Апас» универсаль спорт залында Бөек Җиңүнең 80 еллыгына һәм махсус хәрби операциядә һәлак булган район халкы истәлегенә бадминтон буенча ярышлар узды. Ул Һава-десант гаскәрләре Ветераннарының район иҗтимагый оешмасы химаясендә оештырылды һәм «физик культура һәм спортны үстерү» илкүләм проекты кысаларында узды .

Безнең районда төрле елларда һава-десант гаскәрләрендә хезмәт иткән, бүген дә хезмәт иткән геройлар шактый. Алар һәрвакыт аралаша, очраша, бергә яши. Районда аларның общинасы оешкан. Десантчылар яшь буынга патриотик тәрбия бирү юнәлешендә бик күп чаралар үткәрә.

  Бадминтон буенча берничә ел уздырыла торган ярышлар патриотик тәрбиягә юнәлдерелгән. Ярышлар ел саен уздырыла. Быел да «Апас» универсаль спорт залында бадминтон яратучылар – мәктәп укучылары, студентлар, хезмәт коллективлары җыелды.  Ярышларда катнашучыларны район башкарма комитеты җитәкчесе урынбасары Гөлүсә Галләмова сәламләде һәм уңышлар теләде.  – Һава-десант гаскәрләре Ветераннарының район иҗтимагый оешмасы химаясендә оештырылган бадминтон буенча ярышлар ватанпәрвәрлек, туган якка мәхәббәт тәрбияләүче, спортка өндәүче бик мөһим һәм әһәмиятле чара булып тора, – дип билгеләп үтте ул.  Гөлүсә Галләмова һава-десант гаскәрләре ветераннарына район җитәкчелегенең рәхмәт сүзләрен җиткерде, җәмгыять җитәкчесе Зөфәр Җамдихановка зур хөрмәт белдерде.    Көн дәвамында бадминтон буенча ярышларда иң яхшылар ачыкланды. Аларга медальләр, истәлекле бүләкләр тапшырылды. Шәхси эшмәкәр, ветеран-десантчы Шәүкәт Хисмәтуллин быел да бадминтон сөючеләргә үзенең бүләген әзерләгән. Ул өч җиңүчегә 6 айга «Йолдыз» газетасына язылу бүләк итте.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International