Апас районы ветераннары Бөек Җиңүнең 80 еллыгына бүләкләр ала башладылар.
Апас районы ветераннары Бөек Җиңүнең 80 еллыгына бүләкләр ала башладылар. Бөек Ватан сугышы ветераны Сәлахов Хәйретдин Сәлах улына һәм «Блокададагы Ленинградта яшәүче» билгесе белән бүләкләнгән Галия Сафиулла кызына Татарстан Республикасы Рәисе Рөстәм Миңнеханов һәм «МНКТ» ҖЧҖ генераль директоры Тимур Шәймиев исеменнән бүләкләр һәм котлаулар тапшырылды. «Гаилә» илкүләм проекты «өлкән буын» Федераль проекты ярдәмендә районда даими рәвештә ветераннарны хөрмәтлиләр , мондый чаралар - ветераннарга рәхмәт белдерү генә түгел, яшьләрнең патриотик кәефенә йогынты ясау мөмкинлеге дә. Ветераннар янына район башлыгы урынбасары Ленар Хантимеров һәм «МНКТ» ширкәте вәкиле Рената Вәлиева килде. Алар ветераннарга рәхмәтләрен җиткерделәр, аларга сәламәтлек һәм бәхетле картлык теләделәр. Үтәмеш авылыннан Бөек Ватан сугышы ветераны Хәйретдин Сәлаховка 15 июльдә 101 яшь тула, Тутай авылыннан Галия Сафиулла кызы 21 июльдә 89 яшьлек юбилеен билгеләп үтә. Ветераннар үзләренә күрсәтелгән олы хөрмәткә шатланып, җитәкчелеккә рәхмәтләрен белдерделәр һәм илгә тынычлык теләделәр.