Апас районында Бөек Ватан сугышы ветераннарын һәм тыл хезмәтчәннәрен хөрмәтлиләр.
Апас районында Бөек Ватан сугышы ветераннарын һәм тыл хезмәтчәннәрен хөрмәтлиләр. Өлкәннәргә Бөек Җиңүнең 80 еллыгы уңаеннан котлау открыткасы һәм район башлыгы Айрат Җиһаншиннан бүләк җыелмалары тапшырылды. “Гаилә” милли проекты кысаларында ел саен районда Бөек Ватан сугышы ветераннарына, Ленинград блокадасы шаһитларына, тыл хезмәтчәннәренә һәм сугышта катнашучыларның тол хатыннарына хөрмәт күрсәтелә. Авыл җирлекләре башлыклары ветераннар йортларында булдылар, аларның хәлләре белән кызыксындылар, район башлыгы Айрат Җиһаншиннан котлау открыткалары һәм бүләк җыелмалары тапшырдылар. Апас районы буенча барлыгы 104 кеше бүләкләр алды. "Без өлкән кешеләргә нык сәламәтлек һәм озын гомер телибез. Алар моңа лаек. Аларның рухи көче һәм сабырлыклары безгә Бөек Җиңүне китерде», - диде башкарма комитет җитәкчесенең социаль мәсьәләләр буенча урынбасары Гөлүсә Галләмова.