Хөкүмәт 2027 елга кадәр легаль булмаган мәшгульлеккә каршы тору планын раслады

Премьер-министр Михаил Мишустин 2025-2027 елларга легаль булмаган мәшгульлеккә каршы тору чаралары планын раслады. Хезмәт һәм социаль яклау министрлыгына аның үтәлешен тикшереп тору һәм ел саен нигезләмәләрне гамәлгә ашыру турында комплекслы доклад тапшыру йөкләнде.

План 18 чараны берләштерде. Шундый ук документларны төбәкләр әзерләргә тиеш. Ачыкланган легаль булмаган хезмәт мөнәсәбәтләре очраклары нигезендә хөкүмәт намуссыз эш бирүчеләр реестрын алып барырга ниятли. Оешмалар һәм хезмәткәрләр белән хезмәт законнарын бозган өчен җаваплылык буенча даими аңлату эшләре алып барырга тәкъдим ителә.

2025 елның 1 ноябренә кадәр хезмәт мөнәсәбәтләрен гражданлык-хокук мөнәсәбәтләре белән алмаштыруга юл куймау практикасына анализ ясалачак.