Татарстанда табигатьне саклау прокуроры катнашы белән предприятие Казан шәһәрендә су агызу объектларын ремонтлау эшләрен оештырды.

Казан районара табигатьне саклау прокуратурасы тарафыннан су һәм җир законнарының үтәлеше тикшерелде.

Казан шәһәре территориясендә су агызу белән шөгыльләнүче предприятие канализация коллекторы элементларын тиешенчә файдаланмау нәтиҗәсендә агынты суларны туфракка, шулай ук Хәрби шәһәрчек 33 урамына якын урнашкан су объектына агызырга рөхсәт иткән.

Прокурор карары буенча предприятиенең вазыйфаи заты РФ КоАП 8.6 маддәсенең 2 өлеше, шулай ук РФ КоАП 8.13 маддәсенең 4 өлеше буенча административ җаваплылыкка тартылган, аңа гомуми суммасы 70 мең сум күләмендә штраф билгеләнгән.

Закон бозуларны бетерү максатында табигатьне саклау прокуроры предприятие җитәкчесенә күрсәтмә кертте.

Прокурор йогынтысы актын карау нәтиҗәләре буенча су агызу объектларын ремонтлау эшләрен оештыру буенча чаралар күрелде.