Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров Апас районында кошчылык фабрикасында булды.
Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров Апас районында кошчылык фабрикасында булды.
Марат җаббаров район башлыгы Айрат Җиһаншин белән күптән түгел төзелгән кошчылык фабрикасында булды һәм эш барышы белән танышты. Хәбәр ителгәнчә, кошчылык фабрикасы елына 655 миллион йомырка җитештерүгә һәм 325 эш урыны булдыруга исәпләнгән. Марат Җаббаров билгеләп үткәнчә, төзелеш нәтиҗәле һәм тиз темплар белән бара.
"Апаста кошчылык фабрикасы төзелә. Төзелеш тулы куәтенә бара. Беренче чебиләр 1,5 айдан барлыкка килер дип көтелә», — дип хәбәр итте Татарстан Республикасы Авыл хуҗалыгы һәм азык-төлек министры.
Ул шулай ук республикада урып-җыю эшләренең барышы турында сөйләде. Ул мул уңыш көтелүен ассызыклады.
Районның авыл хуҗалыгы һәм азык-төлек идарәсе җитәкчесе Радик Гыйсмәтов бу төзелешнең район өчен мөһимлеген билгеләп үтте.
"Илдә йомырка кытлыгы булганда, бу төзелеш республика җитәкчелеге, район башлыгы Айрат Җиһаншин ярдәме белән башланды. Көнгә 850 меңнән артык йомырка җитештереләчәк. Бу бик зур күләм. Төзелеш бик тиз темплар белән бара. Биналар сизелерлек үсә. Район өчен бу бик мөһим — кешеләр эш алачак, салымнар да киләчәк", - диде ул.
Җирле предприятиеләргә ярдәм итү һәм аларны үстерү җитештерүчәнлек үсешенә ярдәм итә, шулай ук азык-төлек иминлеген тәэмин итүдә, эш урыннары булдыруда һәм халыкның тормыш сыйфатын яхшыртуда мөһим роль уйный һәм «нәтиҗәле һәм конкурентлы икътисад»илкүләм проекты кысаларында уза.